uaduq

“nyumput buni dinu caang”

In capruk on December 12, 2008 at 4:42 pm

lamun urang panggih jeung urang sunda, coba tanya kieu:

naha nya ari urang sunda, cenah badag, kasebutna ge seler nu boga massa kadua panglobana sanggeus jawa, tapi mun ditilik disidik sidik, diregepan dina konstelasi rasi nu ngaranna indonesa, ieu seler euweuh pisan aweuhanna. teu heos-heos acan. malah ulah seug dibandingkeun jeung seler jawa, ku seler nu boga bobotoh jauh leuwih saeutik ge eleh jauh?

tah karesepna, urang sunda mah ngajawabna teh make paribasa. nu cenah elmu warisan ti karuhun. kieu waleranna teh geura, regepkeun ku sadayana:

ah, pan sunda mah keur mapatkeun ajian: “nyumput buni dinu caang!”

edun teu tah jawabanna? kudu dijawab edun siah. sabab saha nu bisa deui atuh, iwal urang sunda! nu sejen mah pasti gampang katohyan. iwal lamun arandika kekepehan embung ngaku lamun sakalina kanyahoan. contona kieu: hiji mangsa mun aya nu nanya ka urang batak. “maneh batak (eh maap ya bang, suku kau aku pinjam dulu sebentar. tak apa-apa lah ya?) nya?” tah urang batak nu rek mapatkeun ajian sunda di luhur tea, hiji-hijina cara sangkan eta ajian teu gamah. kudu gancang ngajawab, “lain! kami mah lain batak!”. lamun didongsok alatan nu nanya teu percayaan, omat, maraneh urang batak kudu kekepehan terus, mun bisa, mun terus maksa, degungkeun we sirahna, bari ngucap, “na ari sia, ka aing teh, teu percaya kitu dewek lain batak?”. peun ah (bang aku kembalikan suku kau, mudah-mudah tak ada yang kurang seupilpun ya bang. terima kasih bang! horas!)

tah sakitu, gambaran edunna urang sunda. eh saeutik deui ketang. sabenerna kuring ge ngagem ajian ”nyumput buni dinu caang”. malah geus diajarkeun ka saddam husein sagala. jeung manehna mah leuwih maju tibatan kuring, guruna. manehna geus nyoba ngamalkeun. jeung katingalina lumayan berhasil. ngan hanjakal, eta elmu aya kalemahanna. teu bisa diteruskeun lamun: batu geus beak! heuheuy deuh. tah kulantaran beak batu pisan, saddam husein, tungtungna bisa kacangkalak sakadang bush jeer. hahaha

tah kumaha maraneh hayang nyaho? hayang bisa? nya atuh ari ku hayang-hayang teuing mah, kuring seja ngaleahkeun hate (katingali bageur teu?). sabenerna ajian “nyumput buni dinu caang” teh ngabogaan harti:

“NYIEUN BANGKER MAWA SENTER!!!”

haiah!!!

About these ads

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Follow

Get every new post delivered to your Inbox.

%d bloggers like this: